Avenue du Baron Mariani

U Baronu Antoine Dominique Mariani era un altu funziunariu francese di u Primu Imperu. Natu in Muracciolu di Vivariu (Corsica) u 15 di settembre 1776, hè mortu l’8 di dicembre 1845. Era u figliolu di Ghjiseppu Maria Mariani è di Maria Madalena Arrighi di Casanova, zia di Ghjuvan-Tumasgiu Arrighi di Casanova, duca di Padova. Era dunque parente di i Bonaparte. I so parrini eranu u Generale Gaffori è a so moglia. Si maritò in 1814 cù Louise Claire Dard d’Espinay, figliola di u generale d’Imperu Louis Gaspard Dard d’Espinay è d’Adrienne Sophie van Maneil urighjinaria di Groningue in i Paesi Bassi, da quale discendenza vene. Era statu creatu baronu da u Rè Ghjeronimu. À i circondi di Corti, si pò vede u chjucu castellu ch’ellu fece custruì in un parcorsu à Minesteggio.

Era u babbu di Louis-Thomas Mariani, u secondu “Baronu Mariani”, natu in Corti l’8 d’aostu 1815 è mortu in Parigi u 24 di ghjugnu 1890. Fù un suldatu è un omu puliticu francese. A so famiglia era influente in u centru di a Corsica, induve ellu fù deputatu à u Corpu Legislativu (1857-1863), cunsiglieru generale di a Corsica è sottu-prefettu di Corti da u 1863 sin’à u 1870. Fù fattu ufficiale di a Legione d’onore u 20 di dicembre 1852.