Quartier du Fortin

Mentre l’annata 1792, a cità nova dicide di prutege si alzendu un muru in giru à a villa, tufunatu da duie porte : e Porte Suttane (porte di Santa-Reparata), e Porte Suprane (porte d’Algaiola). Ghjuvavanu cum'è porte ducanale, induve a gabella era pagata. Mentre l'annu 1833, si decide d’ingrandà a cità fendu falà l'anziane mure di u circondu, à prò d’altre furtificazione. À pocu à pocu, cù e custruzzione nove, u recintu di a cità sparisce. 

Oghje, ci sò i vistichi di i bastioni di u Forte. U quartieru hè statu rinuvatu in u 1974 è cumplettamente ristrutturatu in u 2021 incù un ortu è una passighjata. 

À l’epica, a cità era cinta da muraglie. Cù u sviluppu, sòstate sfundate, ben’ chì i vistichi si vedenu sempre oghje.