Scalu / Marinella

Per fà u cummerciu, i pruprietarii di Santa Reparata è di u Munticellu anu custruitu à u principiu di u XVIII mu seculu parechji magazini in u Scalu, chì dopu sò stati trasfurmati in case. E più vechje custruzzione cunnisciute di u Scalu parenu esse a torra genuvese (Torre di u Sale) è ancu a Ghjesgia di a Santissima Cuncezzione custruita in u 1740 è sfundata in u 1936. A passighjata di a Marinella sfila sottu à u Scalu, trà u camin’di farru è u mare. . Hè stata custruita in u 1982.. A marina principale di a cità hè duminata da sta famosa passighjata. 

Si nota una particularità di u tarritoriu : u mare à L’Isula hè una marina urbana, definita da u PADDUC (Pianu d’assestu è di sviluppu à longu andà di a Corsica) perchè si trova in u core di a cità, à u latu di u portu. Di marzu 1976 fù creata a prud’omia di i piscadori di Balagna chi permette di strutturà l’attività di pesca à L’Isula.