Place de la Libération

La Comuna novèla :

A la començança dau sègle passat, lo bastiment de la comuna actuala assostava l’escòla publica dei garçons. Ocupava lo premier estanci, lo planpè serviá de sala dei fèstas dins la quala a partir de 1925 se tenguèt un cinèma.

Lo bastiment vèn la comuna de uei en 1969. Mai d’un còp foguèt adobada per lei besonhs de l’evolucion dei servicis publics, pasmens leis òbras mai gròssas son en cors amb l’installacion futura d’un ascensor e l’amainatjament totau dei servicis de proximitat per respòndre ai normas d’accessibilitat e per una ergonomia melhora de trabalh e d’acuelh dau public.

Lo Cors :

Sonat Cors dau 4 de setembre en memòria dau 4 de setembre de 1870, data de la casuda dau segond Empèri e de la creacion de la III^ena Republica. Auparavant, au Cors lo sonavan de Camp de Mars puei d’Òrt dei Capucins.

Lo Cors ombrejat per sei renguieras de platanas, es lo luec dei passejadas, dei marcats e dei gròssei manifestacions de la comuna.

Es lo còr viu dau vilatge, liame intemporau e intergeneracionau entre totei leis auruoulencs. L’amainatgèron l’a gaire amb l’installacion d’un pargue/juecs per lei pichons e la refeccion dei terrens de bòchas.