Château Saint Pierre

Castèu de Sant Pèire :

A l’origina, an aquel endrech, se trobava la premiera glèisa d’Auruou.
Aquesta, venguda ben nacionau, es venduda a l’enquant en 1796 a Pierre Arnaud, païsan. 
Quauqueis ans pus ans, vendrà la proprietat d’Adrien Charles, ancian cònsol de la comuna, maridat a una domaisèla Dauphin.
La familha la gardarà fins qu’en 1979, la vendrà puei au director de la Fiera de Marselha de l’epòca, avans que siegue crompada per la darriera proprietària, Na Goldman, demorant en Soïssa e que veniá qu’episodicament.
Crompat per la comuna en 2003, lo castèu conoisse d’òbras importantas de reabilitacion e despuei assosta la sala dei maridatges amb autorn lo pargue verdejant propici a celebrar aquel urós eveniment.
Lo pargue acuelhe tanben, quand lo bèu arriba, de manifestacions culturalas coma de concèrts de musica classica, de representacions teatralas, un salon d’art…