Le Moulin Saint Claude

Lo Molin de Sant Glaudi

Lo molin a una lònga istòria. Au sègle XIII l’aquerèt lo prior de Sant Victor, foguèt per torn molin de blat, ladrariá, parador…

Molin d’aiga a la començança, foguèt adaptat amb l’arribada de la maquina de vapor, coma l’atèsta la chaminèia de bricas encara presenta dins lo pargue.

Vendut mai d’un còp, fin finala la comuna lo crompa en 2001 e lo restaura entre 2004 e 2006 per ne’n faire un pòle culturau. Lo Pòle culturau dau Molin de Sant Glaudi assosta actualament de servicis municipaus, de salas associativas tant coma una sala deis otís ancians que meton a l’onor la colleccion de Paul Tamisier, donada a la comuna en 2015.

Podèm descubrir a l’intrada dau siti una reconstitucion d’una posaraca (realizada de cotria amb la Comuna, l’Aspa e la Cemex), e susplombant Uvèuna, l’estatua d’Ubelka, una dei cinc « fadas d’Uvèuna » creada a l’ocasion de Marselha Provença 2013, capitala de la cultura. Dins lo fons dau pargue a l’arrier dau molin, lo pònt de Sant Glaudi ofrisse son polit e impausant imatge.