Ruelle Pieraggi

François-Louis Pieraggi hè un giurista è aristrocratu corsu, natu u 8 ferraghju 1758 è decedutu u 4 di ghjugnu 1827. Hè statu battizatu da u so ziu, u canonicu Matthieu di Pieraggi, in a cappella di Santu Marcelu à Corte, oghje distrutta. Hè cusinu cù Napulione I. Da u 1772 à u 1782 hà fattu i so studii di dirittu à l’università di Roma. U 8 di ghjugnu 1782, hà difesu a so tesi è hà ottinutu u titulu di duttore in dirittu canonicu è civile è hè turnatu à Corte.

U 3 di settembre di listessa annata, hà sposatu Marie-Madeleine Mariani, nipote di u Baron Jean-Thomas de Boërio, maritu di Marie-Catherine Arrighi di Casanova, zia di u futuru Duca di Padova. U 22 di nuvembre 1782 hè diventatu avvucatu à u barriu di a corte rèale di Bastia finu à marzu 1791 à a sequela di a Rivoluzione Francese. Hè statu elettu per sei anni ghjudice rèale di u Distrittu di Vico. Fervente bonapartistu, hà seguitatu Napulione I, è durante u primu imperu hà occupatu u postu di direttore di e finanze in Italia. Dopu u 1815 hè turnatu definitivamente in Corsica cù a so famiglia, è hè tornatu à fà l’avvucatu. U Papa l’hà creatu cavaliere di l’ordine di l’eperon d’oru è conti palatinu. Hè mortu à Corte u 4 di ghjugnu 1827.