Rue Augustine Dupuy

Musèu Martin-Duby

Lo musèu Martin-Duby deu son nom a Joseph Martin-Duby, conselhier municipau a Auruou, pintre, colleccionaire, e iniciator dau Musèu d’Art e de tradicions popularas.

Lo bastiment foguèt torn per torn un ostau privat, puei la lòtja dei grans en 1555, entrepaus dei grans en 1689 e enfin, comuna en 1789 fins qu’a 1969.

La fònt realizada en 1727 per l’arquitècta Rambot, e leis escaliers dobles amb de rampas de fèrri forjat datan de 1814.

Vèn lo musèu municipau en 1994 a vocacion d’art e de tradicions popularas provençalas. Assosta nombroseis objèctes e pinturas dins sei colleccions, mesclant aquisicions e donas d’abitants d’Auruou, mete puei a l’onor « lo Tresaur d’Auruou » dins una sala dedicada. I trobam de facsimiles e monedas contemporanèas   dau « tresaur » : 2000 monedas grècas enterradas dins lo quartier dei Barras vèrs 480 av JC, descubèrtas puei per un païsan d’Auruou en 1867. Certanei d’aquestei pèças son expausadas dins lei musèus màgers coma l’American Numismatic Society (ANS) de Nòva York.

Atenenta au musèu, la Torre dau relòtge la bastiguèron en 1564.

Plaça d’Amont :

Après que li aguèsson dich de « Pati (plaça ont fasiam repausar l’aver menut) d’Amon », e estent qu’èra la plaça la mai amont dau vilatge li diguèron de Plaça d’amont.

Dins lo temps èra caladada.

La fònt la remplacèron per una platana.

Sus la plaça l’aviá l’ostau dau notari. A passat temps se veniá a Auruou per sollicitar lei servicis dei notaris dau ròdol.