Chemin de Saint-Pierre

Glèisa de Sant Pèire :

Leis òbras de bastison de la glèisa parroquiala nòva d’Auruou comencèron en 1855.

La premiera pèira de l’edifici, la pausèt l’evesque de Marselha lo 4 de mai de 1856 en preséncia dau pòble d’Auruou. Aqueste d’aicí participa activament a la construccion de la glèisa. Lei materiaus son per una bèla part dau ròdol : lei blòcs d’assisas vènon de Cassís, lei colonas exterioras d’Arle, lei colonas interioras de Bèucaire, leis escaliers de Bricoeda e lei pòrtas de noguier de Vèda.

Lo grand autar e la cadiera predicadoira, totei dos de rove, son classats ai Monuments istorics.

Dos lustres de cristau leis ofrèron leis Aubèrts, en seguida de la descubèrta dau Tresaur.

Detalh curiós, sus lo fronton es presenta la devisa republicana « Libertat, Egalitat, Fraternitat » e au dessús « Republica francesa » que lo premier cònsol d’Auruou En Baux faguèt marcar en 1880.

A l’interior podèm visitar un tras que polit espaci museau dedicat a l’art sacrat.