Place Sainte-Barbe

La plaça de Santa Barba : 

Probable que lo nom de la plaça vèn de la santa patrona deis artificiers e dei sapaires. Ligada a la podra es invocada còntra lo tròn. Dins lei naviris de guèrra, la santa barba èra la sota per la podra.

Auruou a jamai agut de molin de podra, mai paguèt Loís XIV, coma totei leis autrei comunas amont de Marselha, per lo desplaçament a Sanch Amàs dei molins situats lòng d’Uvèuna.

La fònt eponima plaçada dins lo centre data de 1767. Istoricament, aquest fònt serviá de cònca per alimentar en aiga leis abitants dau quartier e d’abeurador per lei bèstias.

Ansin, la fònt ambe la cònca subremontada d’una estatua de Santa Barba, la patrona dei minaires, dei pompiers, deis artificiers e de totei lei mestiers ligats au fuec, es venguda emblematic dau patrimòni auruolenc. D’alhors, cada an, de depaus de garbas de flors que la commemoran son organizats per la casèrna dei pompiers d’Auruou.

D’un ponch de vista culturau, fau sacher que la plaça la rendèt celèbra Marcel Pagnol a l’ocasion dau tornatge « lo secrèt de mèstre Cornilha », adaptacion tirada dei « Letras de mon molin » d’Alfonse Daudet.

Situada au còr dau centre vièlh e istoric d’Auruou, a dos pas dau musèu municipau Martin-Duby e de la torre dau relòtge, la plaça de Santa Barba es una passatge obligatòri per lei circuits toristics organizats dins lo terraire.