Rue de la Paroisse

La carriera de la Parròquia ò « molin de la Parròquia » :

Dins aquesta carriera l’aviá lo molin feudau.

Après l’aver vendut coma ben nacionau après la Revolucion, li dién de « molin de la comuna ».

Vèn puei lo molin Remusat, dau nom d’un còmte de l’Empèri.

A son decès en 1890, leis eiretiers lo vendon a l’enquant amb lo nom de « pichon molin de la vila d’Auruou », puei « molin de la societat dau Biau de la parròquia » (en seguida de l’aquisicion per la societat dau Biau de la parròquia), après per reduccion « molin de la parròquia » estent que se situa dins la carriera de la Parròquia.

Au sègle passat, vendrà l’usina de tapiòca Jean Louis, puei l’Ostau sociau de la comuna, enfin l’Ostau dau Bèl atge inaugurat per lo Conseu departamentau en 2021.

La fònt de la carriera de la Parròquia :

Apareguda au sègle XVIII, adossada au molin vièlh, es avenada per l’aiga dau quartier de Sant Pèire.

Se tròba just avans un escalier que seguisse lo molin a man drecha e que relia la plaça de la glèisa a la carriera dei Gòrgas, just dessús se tròba uei lo fogau de vida La Villa, installat dins l’ancian Ostau de Dieu.

Aquesta fònt es conoissuda tanben coma « fònt dei bessonas » en causa dei doas tèstas identicas qu’ornan lei relèus.