Secrets de fabricacion
LO TALH E LA GRAVADURA
Lei QRPlaques son fabricadas segon un cahier dei cargas precís e rigorós per garantir la qualitat dau produch finit e una durabilitat dins lo temps. Lei QRPlaques fan 100x100mm. Lo talh es realizat per emboti per garantir de bòrds lisses e que tallan pas.
Lo materiau utilizat es d’acier inoxidable SUS304, utilizat sovent dins lo mitan alimentari e medicau. Conten 18% de Cròme e 8% de Niquel. Presenta una bòna resisténcia mecanica e termica dins d’environaments a nauta e bassa temperatura, e a tanben una bòna resisténcia a la corrosion, una soudabilitat, una obrabilitat a freg e d’autrei proprietats mecanicas dins una atmosfèra doça.
Lei QRPlaques son gravadas per una aspersion d’acide que grava lo metau sus lei partidas pas protegidas per una tencha de serigrafia pausada d’avança. La durada d’aquesta fasa determina la prigondor de la gravadura (~0,1mm). Un còp la gravadura facha, la tencha de proteccion es netejada, çò que revela tota la susfàcia metallica gravada. Lo fons de gravadura de la QRPlaque es enfin colorat amb una pintura fòrça resistenta de tipe epòxi. Se depausa una jaça de pintura negra que permet d’optimizar la lectura deis informacions gravadas sus lei QRPlaques.
Lei QRPlaques son puei escanadas e sa qualitat de fabricacion validada. Benefician alora d’un embalatge en papier reciclat avans sa expedicion.
Durabilitat
Pròvas de corrosion
Per liurar un produch de qualitat e durable, fasèm passar regularament de pròvas a nòstrei QRPlaques. Devon poder resistir a un banh d’acide cloridric pendent 15mn e a un netejatge auta pression de 5mn a 160 bars. Aquelei pròvas simulan una durada de vida defòra sus una durada de 15 ans.
Anóncia
CERCAM FABRICANTS
Per melhorar nòstrei QRPlaques, sèm totjorn a l’escota deis evolucions tecnicas. Sètz fabricant e volètz nos prepausar un produch, una tecnologia, un partenariat... esitetz pas :